عضو مشارك
عدد المساهمات : 168
|  موضوع: كلمتنى الجمعة 30 يناير 2009, 12:58 am | |
|
بسم الله الرحمن الرحيم
فاكرين على
على خد قرار انه يبعد وكفايه عليه كده
وبعد ولقى فى بعاده عذاب
كان كل يوم عذابه يزيد
قال مين الكداب اللى قال ان الزعل يتولد كبير ومع الايام يصغر
انا الزعل عندى زى الوليد اتولد من نطفه حتى اصبح جبل
اه مش قادر استحمل اعمل ايه
ورن التلبفون
لقاها هى
مها فرحه قلبى وعمرى
سر سعادتى
يااااااااااااااااااااااااااااااااااه
رنه التليفون كان مقطوعه موسيقيه لحن جميل
مش ناقص غير صوت حلو وكلمات حلوه
فتح التليفون سمع اجمل صوت واحلى كلام
ارتبك لما سالته
مابتتصلش ليه
مابتكلمنيش ليه
صحى لازم يكدب هايعمل ايه
كدب قالها كنت تعبان عيان
وماردتش اقلقك
على بيحلف انها قالتله كداااااااااااااااااااب
انا عارفه مابتتصلش ليه
على تجاهل الكلام وعمل نفسه مخدش بالة
وعزمت على يوم الخميس زى النهارده يبحضر مناسبه عندهم
على بيسالكم ليه قالت كداب وعرفت ازاى انه كداب
وكمان بيسال كان قصدها ايه لما قالت انا عارفه مابتتصلش ليه
ياترى حست بحبه
ولا هى كمان حبته
انقذو على ربنا يكرمكم
وردكم هاوصلهولو باامانه
اخوكم وسام ناجى | {.... توقيع وسام ناجى ....} | |
|
|
عضو مجتهد
عدد المساهمات : 289
| | موضوع: رد: كلمتنى السبت 31 يناير 2009, 6:15 am | |
|
:بسم الله والس
هو انا مش عارف على عمل كده ليه وبيعزب نفسه ليه كده بس ما علينا اللى حصل بقى
وكويس انها اتصلت بيه وبإتصالها ده عارف لو هو قعد تسعين سنه ميكلمهاش بس لسه بيفكر فيها وبيحبها كان بردوا هيبقى رد فعله كده اول ما يشوف اسمها على التليفون بس ياعلى خد بالك بقى وهدى نفسك واسمع منى علشان انت ممكن تروح فيها يابرنس انسى مكالمه التليفون دى خالص وسيبك من اللى هيا قالته بلا كداب بلا نيله علشان البنات ناصحين قوى فى الحاجات دى وبكلمه واحده ممكن يودوك ويجيبوك وانت ولا انت هنا(غدارين غدارين) وهما كمان ممكن ميكونوش دريانين هما بيقولوا ايه اهو كلام وخلاص
ودلوقت فى مناسبه يوم الخميس انت هتروح وربنا معاك علشان انا حاسس حاجه من اتنين
اولا : دى مناسبه عاديه وساعتها مبروك عليك ومتعملش كده تانى وفاتحها بقى ياعم على واطلبها للجواز علشان ترتاح وتريحنا معاك .
ثانيا : انا حاسس ان المناسبه دى فيها صدمه كبيره زى ماتقول كده خطوبتها او حاجه ليها علاقه بالموضوع ده الارتباط يعنى وساعتها هيبقى شكلك وحش قوى يا على وكمان هتبقى ضيعت حبيبتك بإدك وبجد انا خايف عليك ومش معنى كده انى بقولك متروحش لا روح بس لازم يبقى عندك استعداد لكلا الموقفين تاخد بالك علشان لو الموقف فى صالحك تبقى جاهز انك تصرح عن حبك وتقولها وتريح نفسك بقى ولو ضدك يبقى عندك رد فعل جنتل مان وتخفى مشاعرك وتنسحب من غير ما حد ياخد باله وعلشان الصدمه متبقاش شديده قوى عليك وتحافظ على كرامتك وشكلك قدام الناس
وربنا معاك يا على وصدقنى محدش واخد منها حاجه واتمنى ليك كل خير وانا منتظر ما سوف يحدث ياعلى علشان انت بقيت زى اخويا بظبط وربنا يديم المحبه ما بينا
وعلى فكره ياعلى لو عايزنى أجى معاك انا معنديش مانع بس انت متأكد ان اصحابها حلوين يعنى
:موضوع روعه:
| {.... توقيع قلب صادق. ....} | |
|
|
