تحب تموت قدام عينك ادخل وشوف

**{..????..}** زائر

نفسك تموت قدام عينك اقولك تعمل ايه بص معايا

الفكرة قد تبدو غريبة فى البداية لكن جربها مش هتخسر حاجة

هات مخدة ولفها بملاية بيضاء جيدا ،ثم اربط طرفها بحبل بحيث تمثل رأس الميت، ثم قم بتعديل باقى الشكل حتى تعطى إنطباعا بأن هناك ميت بالفعل وبعدين حطها قدامك وقعد قدامها ثم تخيل....
............... تخيل ................
إنك انت الميت ده،... انك انت اللى قدامك.. وبعدين افتكر قبل كده بشوية لما كنت قاعد فى امان الله لا ليك ولا عليك وآذان المغرب أذن من شوية وأنت طنشت وقعدت تعصى ربك بما تعصاه دائما.
............................. وفجأة..................................
دخل عليك واحد شكله لا تطيق النظر إليه وبدأ ينتزع روحك وأنت مش عارف إيه اللى بيحصل وبعدين أدركت انه الموت ونفسك يتأخر شوية لما تصلى المغرب وتتوب لكن مفيش فائدة،..... وبدأت تستسلم والألم بيقطعك وبيكسر عظامك....، والروح بتخرج حتى من أطراف أصابع قدمك.... وخلاص بتودع الدنيا.. ،و بتفتكر اللى انت عملته فى دنيتك و بتتحسر عليه... وفاضت الروح واصبحت جسد.... مجرد جسد.........
.............خلاص ..................
سكت الكلام ........وسكنت الحركة
استنى لسه الأمر لم ينتهى دى بداية الرحلة .
تخيل انهم بعد كده اعلنوا عن موتك ..وكل أهلك زعلانين عليك.. أمك .. أبوك.. أختك.. أخوك.. أصحابك.. جيرانك.. اهلك.....
وبدأوا يجيبوا مغسل يغسلك.. وبعد كده وضعوك فى الكفن... وبعدين حملوك ليصلوا عليك... وبعدين حملت على الأكتاف.. فى النعش.. فى جنازتك... والناس وراك جايين.. يودعوك... و خلاص بقى اخر عهدك بالدنيا
وبعدين إلى المقابر ونزلوك قبرك ....، بالكاد على قد جسدك.... و بعدين قفلوا عليك قبرك،
خلاص... لم تعد من اهل الدنيا... وخلاص مشوا وتركوك
................خلاص ..............

هتعمل ايه يامسكين بص شوف نفسك يافقير

ان لله وان اليه راجعون

القبرضيق عليك،.... وجه الملكان وبدأوا الأسئلة ومن ضمن الأسئلة... سؤال... كنت خايف يسأله لك الملكان
الصلاة الصلاة ؟
ماذا فعلت بالصلاة ؟
هل حافظت عليها ؟؟؟
هل حافظت على خشوعها؟
وضمك القبر ضمة تخلفت وتهشمت منها أضلاعك... حاسس بضيق القبر عليك .. طب حاسس بظلمته... طب حاسس انك لوحدك تحت الارض....
وبدأت تتألم رجعنى يارب... رجعنى يارب للدنيا... وسوف أصلى.. رجعنى وانا لا أترك عبادتك... وأنت تبكى من شدة الالم حاسس بالألم ؟؟؟ لأ... مش هتحس بيه لأنه أشد بكتير ...كتير قوى
يارب رجعنى أنا ندمت خلاص ندمت وعزتك....
اصحى بقى كفايه كده تخيل.....
انت فيها دلوقتى... فى الدنيا ... هتعمل إيه مصمم على معصيته ..مصمم تترك الصلاة وتعصيه .. ولا أنت مش خايف من الموت.. ولا انت ضامن انك مش هتموت دلوقت.. ولا انت ضامن انك هتوب قبل الموت...
بص حواليك كم واحد تعرفه مات من غير مقدمات.. مات وسنة صغير.. جايز اصغر منك كمان ..انت عارف هتموت امتى ..دلوقت.. وألا السنة الجاية.. و لا بعد بكرة الظهر.. ولا بعد عشرين سنة ..ولا بعد ما تقرأ الموضوع ده حتى . طب ضامن انك تلحق رمضان ......طب والعمل......
تب دلوقت وأخلص فى توبتك.. وأستعن بالله ... يعينك وجاهد نفسك فالحياة أقصر مما تتخيل ....
من عشر سنين مثلا كنت فين؟... كنت بتعمل إيه؟... الوقت مر بسرعة بسرعة قوى... العمر كله هيبقى كده ....
ممكن كنت شديد عليك شوية .....بس صدقنى دى الحقيقة
.......................................خذ القرار الآن..................................
غفر الله لنا ولكم ولجميع المسلمين
هذا فما كان من توفيق فمن الله وما كان من خطأ فمن نفسى والشيطان

انظر ماذا يقول لك الكفن

يا ابن آدم أتدري ماذا يقول ملك الموت و أنت نائم على خشبة الغسل نادي عليك و يقول يا ابن آدم أين سمعك ما أصمّك , أين بصرك ما أعماك , أين لسانك ما أخرسك, أين ريحك الطيّب ما غيّرك , أين مالك ما أفقرك .

فإذا وُضِعْتَ في القبر نادى عليك الملك يا ابن آدم جمعت الدنيا أمْ الدنيا جمعتك. يا ابن آدم تركت الدنيا أمْ الدنيا تركتك . يا ابن آدم استعددت للموت أمْ المنيّة عاجلتك, يا ابن آدم خرجت من التراب و عدتَ إلى التراب... خرجت من التراب بلا ذنب و عدتَ إلى التراب و كلّك ذنوب. فإذا ما انفض الناس عنك و أقبل الليل لتقضي أول ليلة صبحها يوم القيامة , ليلة لا يؤذن فيها الفجر , لم يقل المؤذّن يومها حي على خيرالعمل... انتهت الصلاة... انتهت العبادات...

إنّ الذي سيؤذّن فجرها هو إسرافيل . أيتها العظام النخرة, أيتها اللحوم المتناثرة قومي لفصل القضاء بين يديّ الله رب العالمين. إن الله يقول: و نُفِخَ في الصور فجمعناهم جمعاً. و يقول أيضاً: و حشرناهم فلم نغادر منهم أحداً.

عندما يُقبِلْ عليك ليل أول يوم في قبرك ينادي عليك مالك الملك و ملك الملوك يقول لك: يا ابن آدم رجعوا و تركوك في التراب, دفنوك و لو ظلّوا معك ما نفعوك, و لمْ يبقَ لك إلا أنا الحيّ الذي لا أموت... يا ابن آدم من تواضع لله رفعه و من تكبّر و ضعه الله.
عبدي أطعتنا فقرّبناك, و عصيتنا فأمهلناك, و لو عُدْتَ إلينا بعد ذلك قبلناك.

إنّي و الإنس و الجنّ في نبأ عظيم, أخلُقُ و يُعْبَدُ غيري , أرزق و يُشكر سواي . خيري إلى العباد نازل و شرّهم إليّ صاعد. أتحببّ إليهم بنعمي و أنا الغنيّ عنهم و يتباغضون عنّي بالمعاصي و هم أفقر شيء إليّ.

من عاد منهم ناديته من قريب و من بعُدَ منهم ناديته من بعيد. أهل الذكر أهل عبادتي, أهل شكري أهل زيادتي, أهل طاعتي أهل محبتي, أهل معصيتي لا أقنّطهم من رحمتي فإن تابوا فأنا حبيبهم فإنّي أحبّ التوابّين و أحب المتطهرين, و إن لم يتوبوا فأنا طبيبهم أبتليهم بالمصائب لأطهّرهم من الذنوب و المعاصي. الحسنة عندي بعشر أمثالها و أزيد و السيئة بمثلها و أعفوا أنا أرأف بعبادي من الأم بولدها...

أسأل الله لي ولكم حسن الخاتمة والثبات

انــــــــــــــــــــــــــــــــــــــــــــظر الــــــــــــــــــــــــــــــــــــــــــــــــــــــــــي عـــــــــــــــــــــــــــــــــــمرك

اخوكم في الله : مصطفى عربي

:بسم الله الرحم

بارك الله فيك ونفع بيك الامه والمسلمين يا مصطفى

موضوعك جميل جدااااااا ده اناحاسه ان الموت قدمى دلوقتى

بجد تسلم ايدك

اميرة

:رائع:

بسم الله الرحمن الرحيم

كما عودتنا استازى الكريم بلباقه الحديثوفن التعامل مع الموضوع

اسجل اعجابى الشديد بموضوعك تسل ايدك

تخيل اخى مصطفى فى وقت ليس ببعيد عشت هذه اللحظه بل عشت ماهو ابعد منها

كنت مقبل على اجراء عمليه جراحيه وبعدد انتهاء الزياره قرر الطبيب اجراء العمليه

ليس احدا بجانبى الله الله الله انه الموته الصغرى تمهيدا للموته الكبرى

تخيل الى اين وصلت مخيلاتى

الى جهنم واليعوز بالله ليس الى الموت ولا الى الجنه

لان اصدق لحظات يعيشها الانسان مع نفسه هى لحظه الاقتراب من الموت

لم اتذكر صلاتى

ولا صيامى

ولا اىخير مما افعله

فقط تذكرت زنوبى

والله ارتعش جسدى وبكيت بكاء الاطفال حتى ان الطبيب ظن ان بكائى خوفا من العمليه

وطبطب عليه واعطانى مهدىء وكنت فى حاله لايرثى لها

كل ماقاله الطبي مداعبا لى

عاده مانقول للمريض عد من واحد لعشره

انت ياسيدى انطق الشهادتين وكررها حتى وان مت غفر الله لك

حاولت ان اقنع نفسى بهذا

ونطقت الشهادتين

وعندما افقت من البنج كم كنت سعيد بعودتى للحياه

تسلم ايدك استاز مصطفى

اخوك وسام ناجى

**{..????..}** زائر

السلام عليكم ورحمة الله وبركاته
جزاكم الله خيرا هيا خير كلمه اللهم اجعل من قرأ هذا الموضوع
خير سبيل لهدايته ومن لم يقرأ هذا الموضوع ان يمن الله عليه بأحد يذكره بالموت
فالموت هوه اليقين الوحيد والحقيقه الوحيده التي يعلمها الكافر والمسلم واليهودي
اللهم احسن ختامنا اجمعين ومن علي اخواننا المسلمين واخواتنا المسلمات بالعفو والغفران والهدايه

والسلام عليكم ورحمة الله وبركاته

جزاك الله خيرا يا مصطفى وبارك الله فيك
واعذرنى انا مش هعرف ارد عليك باكتر من كده انا هقوم اتوضا واصلى

**{..????..}** زائر

وابدلك الله خيرا منه ياعبد الهادي

تاريخ الميلاد : 10/02/1989

بجد مش قادر اتكلم الموضوع فوق الرائع

انا هقوم اتوضى واصلي اهو

:رائع: