النهاية
لسه فاكــــرة هـــواى واللا راجعه تانى تخونيــنى
كــنت رحمت بكـــاى لمـــــا جـيتِ ... تودعينــــى
أنت رجعت تانـى ليه راجــــعة تقـــيدى نـــــارى
أنت فاكرة قلبــى ايـه بخــــيانـــتك مكـــنش دارى

كان قلبــى خلاص نســيك وابتدى ينسى عيـنـيك
كان دمعى خلاص داريته وابتديت أقسى عـلـيك
راجـعة تصحــى الحـــنان وتفكرينى باللى كــان
عمرى ماهانسى فى يــوم غـدرك وغدر الزمان

كنت باشتاقلك بروحــــى وانت عــايشــــه لجروحــــــى
وتيجى فى الآخر تعودى خلاص فى حبك مات طموحى

خلاص اشتــريت للقلب غايه ينســى بيها حـــــكايتك
دلــوقتـــى بـاكتــب النــــهايه لخيانه كانت هوايــــتك
آه .. النهايه لحـاجات كتيـــره لقصه غنتها الليالــــــى
لدموع وحب وجرح وغيــره ووهم بنيته فى خيالـــى
من قلبى روحى مع السلامــه عيشيــــلك تانى حـكاية
اخدعـــى وارجعـــى بالندامه كتبت خـــلاص النهاية