اصول الرزاله ضحك من القلب

بصراحة الموضوع ده مهم جدا لأى حد نفسه يبقى رزل او غتيت تيت تيت

او رخم ام ام ام

وطبعا كل ده علشان تعرفوا تغلسوا على خلق الله بضمير



و اليكم قواعد الغلاسة الأصليه



قول نكته طويلة و لما تيجى عند آخر سطر - وهو السطر المهم اللى فى الأفيه - أعمل نفسك نسيته ، لو حد غلس عليك قوله .. و الله كانت نكته جامده بس الظاهر أنى نسيتها

هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول



و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده

لما حد يشكي لك من حاجة قوله أنا عندى مشاكل أكتر منك

و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له ... ممكن الطحينه بتاعتك ثوانى ؟

كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ، قوله أتجوزت ؟! هيقول : أه الشهر اللى فات ، قوله الشهر اللى فات ؟! و هكذا



و أنت بتتكلم مع حد برق عينيك فجأة و اسأله سمعت ؟! هيسألك سمعت أيه ؟ قوله ولا حاجة ... راحت خلاص
بعد عشر دقايق كرر نفس الحركه تانى

و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر

و أنت بتتكلم مع حد ، افضل مركز فى وشه جامد ، لغايه ما هوا يقرف منك فى الآخر



طول ما انت قاعد مع زمايلك فى الشغل ، صفر موسيقى نشيد بلادى ، و صدقنى هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى



أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله

و أنت في المول ، ماتمشيش عادى لأ ... أفضل نط لحد ماتوصل للمكان اللى أنت عايزه ، وده فى حد ذاته يعتبر هبل مش رزاله ، بس ما علينا الناس هاتقرف منك برضه و هو المطلوب

في الاتوبيس أمضغ لبانه بصوت عالى و أنت واقف أو قاعد جنب حد بيقرا مجله او جرنان ، و أنت بتقرا معاه طبعا



أعزم ناس في حفلات ناس تانيه عيد ميلاد أو فرح او خطوبه

فى أى حفله انت عاملها اطلب من ال دى جى أنو يشغل أغنية يعيدها 18 مره ورا بعض ... أنا بحب الأغنية دى اوى يا جماعة يا رزالتك يا اخي ربنا يهدك بجد

لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862



ألعب فى ألوان التليفزيون لحد ماتبقى كل الناس لونها بنفسجي ، و أعزم أصحابك يتفرجوا عالماتش عندك ... و لو حد اعترض ، قوله أنا شايف أن دا لون الحياة الحقيقي ، ما كنت تسيبهم يتفرجوا عليه فى القهوة أحسن يا عم الحج ايه الرزاله دى



وانت ماشى في حته كل ماتقابلك حاجة طبل عليها

ألبس جراب زي اللى بيحطوا فيه المسدس ... بس حط فيه الريموت كنترول

أحرق الكتاب أو الفيلم في جملة واحدة ، تعرف الناس نهايته قبلها بمدة ، أوف دا أنت فعلا رزل

غير قناة التلفزيون قبل نهاية الفيلم و أو الماتش ب5 دقايق



أضحك لواحدة ماتعرفهاش في الشارع و قولها بصوت عالى صباح الخير ... عامله أيه ؟ ، هاتديلك بالقلم و تمشى عادى ، يا عم أعمل حساب أنها هيا كمان ممكن تكون شافت الموضوع ده



وكده بقه انا أديتكم العلم اللي ممكن تنتفعوا بيه وتغتتوا على خلق الله عشان الناس تمشي تكلم نفسها في الشارع أكتر مهيه متنيله كمان وكمان

يا قلب صاادق
عامل ايه يا راجل وحشنى والله

غلس وموضوع غلس ههههههههههههههههههههههههه

لا متزعلش انا بهزر

موضوع جميل يلا الله

اهلا وسهلا يا سما نورتى الموضوع واتمنى انه يكون عجبك

ومش تخافى انا مش بزعل خالص خالص لما حد يقول عليا غلس
لكن موضوعى لا محدش يقول عليه غلس بقى هه مليش دعوه

وايه موضوع جميل يلا الله وصرة الدنانير وملاكى قريش اللى انتى جايه بيها دى

عموما انا هقولك على حاجه واحده بس

هى

هى

هى

ولا بلاش بقى بعدين

احنا بنشكرك جدا على هذه النصائح الغاليه

وبالفعل انت احسن واحد فينا على علم بهذا الموضوع
ياغلس















وبجد بعد ما شوفنه موضوعك ده وطبعا باقى مواضيعك


احنا كلنا بنعترف انك اغلس واحد واغتت واحد فى المنتدى

هههههههههههههههههههه

يعنى كل ده عن الغلس والرخمه

والله معولمات مفيده جدااااااا

ده انا كده كنت اعرف ناس غلسين كتير ومكنتش اعرف

هههههههههههههههههههههه

بجد جميل يا قلب صادق