موضوع: ادخل وجاوب ع الاسئلة دى وهتاخد الجنسية المصرية الجمعة 21 مايو 2010, 9:17 pm
امتحان السفارة المصرية للحصول على الجنسية
اختبار لـتأخذ الجنسية المصرية لو جاوبت الاسئله دى صح يبقى انت اكيييد فى مصر يشترط لدخول الامتحان ان المتقدم يكون معاه كل أدواته اللازمة :
قلم رصاص - أستيكة (تحسباً للأخطاء الكتيرة) - اثبات شخصيتك (تذكرة اوتوبيس - مفتاح الشقة - كارت تليفون مينا تل - عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:اختار من بين الأقواس الكلام الصح:
1- حنان ترك اتحجبت يعني............ (لبست فستان - لبست ساعة - لبست ايشارب)
2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)
3- اللي بنى..بنى مصر كان في الأصل......(حلاق - نجار - تاجر مخدرات - صلاح - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)
